Родители и граѓани реагираат на новото одбојкарско игралиште во основното училиште „Никола Карев“ во Кочани, каде околу теренот се поставени високи бетонски рабници без никаква заштита.
Игралиштето претставува реална опасност, особено за мали деца кои можат да паднат, да се сопнат или да се удрат. При пад во одбојка, движењата се чести и непредвидливи — рабници без заштита можат да предизвикаат тешки повреди на главата, коленото или зглобовите.
Според стандардите за безбедност во спортски терени, околината на терените мора да биде без цврсти и остри површини, со заштитна гумена подлога или тревна зона на најмалку 1,5 метар растојание од теренот.
Ова е уште еден пример на недовршен и небезбеден проект, кој наместо да ги штити децата – ги изложува на ризик.
Одговорност за оваа состојба имаат изведувачот и училиштето, но и општината – таа мора да изврши технички прием и безбедносна проверка пред пуштање во употреба.
