Донесена е нова одлука за највисоките малопродажни цени на нафтените деривати и горивата за транспорт во државата. Со новиот ценовник, од вечерва следува драстично поскапување на горивата.
Цената на дизел горивото Еуродизел БС се зголемува за 14,5 денари по литар, па новата цена ќе изнесува 85,50 денари за литар.
Истовремено, цената на најкористениот моторен бензин Еуросупер БС-95 се зголемува за 5 денари по литар, со што ќе се продава по 79,50 денари за литар.
Новите цени стапуваат на сила од вечерва на полноќ, што значи дека граѓаните повторно ќе се соочат со значително зголемени трошоци за транспорт, а ова поскапување речиси сигурно ќе се одрази и врз цените на многу други производи и услуги.
