Ловното здружение „Осогово“ ја известува јавноста дека несовесен граѓанин фрлал отров на ловните терени на Л.З. Осогово, со што директно се загрозува дивечот, ловечките кучиња и целокупниот животински свет.
Ловочуварската служба е веќе на терен и активно работи на откривање на сторителот. Доколку лицето биде пронајдено, ќе биде соодветно санкционирано и предадено на надлежните служби.
Апелираме до сите граѓани доколку забележат сомнителни активности веднаш да пријават, со цел заеднички да ги заштитиме природата и дивечот.
