Вака изгледа строгиот центар на градот. Малото паркче до Трговскиот центар е вистински доказ за комплетна негрижа и отсуство на волја за работа.
Искршени клупи, оштетени корпи за отпадоци, распадната ограда, ѓубре насекаде, неискосена трева и некастрени дрвја – сликата е повеќе од јасна. Некогаш овде имаше и фонтана, како и во паркот спроти ова место. Денес, на двете локации нема вода, нема одржување, нема грижа.
Ова не е само запоставен простор – ова е одраз на односот кон градот и граѓаните.
Со вакво неработење, центарот наместо да биде место за одмор и живот, станува запуштена зона во срцето на градот.
Потребна е итна реакција, уредување и редовно одржување, нови зелени површини, комплетно ново хортикултурно уредување на центарот – затоа што ова не смее да биде нормална слика за Кочани.
