Денес се навршуваат 4 години од заминувањето на Сашо Лазарев – Чапо, човекот кој не беше само основач на КК Баскет Дино, туку и темел на кошаркарската приказна во Кочани.
Чапо беше повеќе од тренер.
Тој беше учител, воспитувач, мотиватор и поддршка. Веруваше во децата дури и кога тие самите не веруваа во себе. Со трпение, дисциплина и огромна љубов кон кошарката, создаваше карактери – не само играчи.
Неговата визија беше јасна: кошарката да биде пат по кој младите ќе учат што значи почит, работа, заедништво и истрајност.
Таа визија денес живее преку секое дете што ќе влезе во сала со топка во раце, преку секој тренинг одржан со срце, преку секој дрес што го носи името Basket Dino.
Иако физички не е со нас, неговото присуство се чувствува секојдневно –
во салата, на теренот, во аплаузот, во тишината пред натпревар, во радоста по победа и во лекциите по пораз.
Четири години подоцна, со почит и благодарност, ветуваме дека
неговото дело ќе продолжи, неговото име ќе се споменува со гордост,
а неговата љубов кон кошарката ќе се пренесува на нови генерации.
🖤 Засекогаш дел од нас.
🕯️ Никогаш заборавен.
Објави КК Баскет Дино
Долги години „Чапо“ беше дел од екипата на Кочани Деликатес, од најславните денови на клубот беше на врвот на македонската кошарка.
