Граѓаните алармираат дека насекаде каде што има градилишта, улиците се целосно оштетени — пропаднат асфалт, пукнатини и уништена инфраструктура. Последен пример е на улицата „Димитар Влахов“, каде пред неколку дена, поради огромната тежина на товарни возила, пукнала водоводна цевка.
Се бара надлежните институции веднаш да излезат на терен и да ја проверат состојбата пред секоја нова изградба на станбен објект, да се утврди реалната штета и да се побара надомест — односно инвеститорите да ги санираат оштетувањата што настануваат.
Советничката Благица Сабовљевиќ-Стоименова предлага до Советот на Општина Кочани да се воведе строго ограничување за движење на тешки товарни возила по градските улици, бидејќи тие не се наменети за таков товар. Според неа, градот се уништува, а мерки за заштита не се преземаат — иако асфалтот се плаќа со народни пари.
Граѓаните очекуваат системско решение, контроли и одговорност, за да се спречи понатамошно уништување на инфраструктурата.
